سہما ہے آسمان زمیں بھی اداس ہے

سہما ہے آسمان زمیں بھی اداس ہے

ہر گاؤں اور شہر میں خوف و ہراس ہے

اک لمحۂ سکوں بھی میسر نہیں ہمیں

تیرے بغیر اپنا ہر اک پل اداس ہے

یہ کیسی دل کشی ہے یہاں کون آ گیا

کیسی یہ روشنی سی مرے آس پاس ہے

آوارگی کا نام ہے تہذیب نو یہاں

آنکھوں میں شرم ہے نہ بدن پر لباس ہے

دنیا میں اپنی آپ مگن ہم ہیں اس طرح

اپنوں کا کچھ خیال نہ رشتوں کا پاس ہے

مسموم سی ہوائیں پتہ دے گئیں ہمیں

قاتل ہمارا کوئی یہیں آس پاس ہے

محسنؔ سنا ہے ہم نے یہ کامل فقیر سے

ہوگا خدا سے آشنا جو خود شناس ہے

sahma hai asman zamin bhi udas hai

har gaon aur shahr mein khauf-o-hiras hai

ik lamha-e-sukun bhi muyassar nahin hamen

tere baghair apna har ik pal udas hai

ye kaisi dil kashi hai yahan kaun a gaya

kaisi ye raushni si mire as pas hai

awargi ka nam hai tahzib-e-nau yahan

ankhon mein sharm hai na badan par libas hai

duniya main apni ap magan ham hain is tarah

apnon ka kuchh khayal na rishton ka pas hai

masmum si hawaen pata de gain hamen

qatil hamara koi yahin as pas hai

mohsin suna hai ham ne ye kamil faqir se

hoga khuda se ashna jo khud shanas hai