کیسا اندھیر کر گیا سورج

کیسا اندھیر کر گیا سورج

جانے اب کس ڈگر گیا سورج

ان کے چہرہ کی تابناکی سے

ہو کے حیراں ٹھہر گیا سورج

پی کے ہر برگ و گل کی رعنائی

آج کتنا نکھر گیا سورج

کس نے دکھلایا اس کو آئینہ

اپنے چہرہ سے ڈر گیا سورج

ہم سناتے رہے کھری اس کو

ریشہ ریشہ بکھر گیا سورج

غم نہیں اب مجھے کوئی محسنؔ

میرے آنگن اتر گیا سورج

kaisa andher kar gaya suraj

jane ab kis dagar gaya suraj

un ke chehra ki tabnaki se

ho ke hairan thahar gaya suraj

pi ke har barg-o-gul ki raanai

aj kitna nikhar gaya suraj

kis ne dikhlaya us ko aina

apne chehra se dar gaya suraj

ham sunate rahe khari us ko

resha resha bikhar gaya suraj

gham nahin ab mujhe koi mohsin

mere angan utar gaya suraj