ہم سے لمحات خوشی کے بھی سنبھالے نہ گئے

ہم سے لمحات خوشی کے بھی سنبھالے نہ گئے

درد پر درد اٹھے اور وہ ٹالے نہ گئے

موت سے کم ہیں کہاں تلخ یہ میرے دن رات

غم فرقت کے وہ رستے ہوئے چھالے نہ گئے

خود کو منسوب کیا نام تمہارے ہم نے

نزع کے وقت بھی تم دل سے نکالے نہ گئے

غوطہ زن ہوتے رہے بحر تفکر میں مگر

ہم سے اسرار کے موتی بھی کھنگالے نہ گئے

ان کی یادوں کے تھپیڑوں سے نہیں ہم کو نجات

اشک کے سیل کبھی ہم سے سنبھالے نہ گئے

درد و غم رنج و الم کرب و خلش اے محسنؔ

برق کی طرح گرے اور یہ ٹالے نہ گئے

ham se lamhat khushi ke bhi sambhale na gae

dard pur dard uthe aur wo tale na gae

maut se kam hain kahan talkh ye mere din rat

gham-e-furqat ke wo raste hue chhale na gae

khud ko mansub kiya nam tumhare ham ne

nazaa ke waqt bhi tum dil se nikale na gae

ghauta zan hote rahe bahr-e-tafakkur mein magar

ham se asrar ke moti bhi khangale na gae

un ki yadon ke thaperon se nahin ham ko najat

ashk ke sail kabhi ham se sambhale na gae

dard-o-gham ranj-o-alam karb-o-khalish ai mohsin

barq ki tarah gire aur ye tale na gae