زنداں میں ہوں میں شہر نگاراں سے کیا مجھے

زنداں میں ہوں میں شہر نگاراں سے کیا مجھے

اس گلستاں کی باد بہاراں سے کیا مجھے

وہ کام اپنا کر ہی گیا احتیاط سے

یوں دیکھتے ہو دیدۂ حیراں سے کیا مجھے

ویرانیاں ہیں گور غریباں سی ہر طرف

لینا ہے آج شہر درخشاں سے کیا مجھے

چھونے لگے ہیں ہاتھ مرے مہر و ماہ کو

محفل کی آب و تاب چراغاں سے کیا مجھے

ہاتھوں کو زخم قلب کو مایوسیاں ملیں

اس کے سوا ملا ہے گلستاں سے کیا مجھے

محسنؔ شب سیاہ کا مارا ہوا ہوں میں

اب واسطہ ہو شمع شبستاں سے کیا مجھے

zindan mein hun main shahr-e-nigaran se kya mujhe

is gulsitan ki bad baharan se kya mujhe

wo kam apna kar hi gaya ehtiyat se

yun dekhte ho dida-e-hairan se kya mujhe

wiraniyan hain gor-e-ghariban si har taraf

lena hai aj shahr-e-darakhshan se kya mujhe

chhune lage hain hath mire mehr-o-mah ko

mahfil ki ab-o-tab charaghan se kya mujhe

hathon ko zakhm qalb ko mayusiyan milen

us ke siwa mila hai gulistan se kya mujhe

mohsin shab-e-siyah ka mara hua hun main

ab wasta ho sham-e-shabistan se kya mujhe