سمجھ رہے تھے کہ اپنی سدھر گئی دنیا

سمجھ رہے تھے کہ اپنی سدھر گئی دنیا

ہمیں تو مفت میں بدنام کر گئی دنیا

مطالبوں سے نہیں مل سکی نجات کبھی

ہوس کے زندہ تقاضوں سے بھر گئی دنیا

ہر ایک آنکھ میں چڑھتا ہوا انا کا نشہ

ہر ایک حرف وفا سے مکر گئی دنیا

اسیر کر کے تباہی کے مجھ کو دلدل میں

بتائے کون یہ مجھ کو کدھر گئی دنیا

وہ کیا ہوئے مرے پر کیف پر سکوں لمحے

مجھے تلاش ہے جس کی کدھر گئی دنیا

کٹی ہوئی ہے ہر اک شاخ پیڑ سے محسنؔ

لو برگ خشک سی اب کے بکھر گئی دنیا

samajh rahe the ke apni sudhar gai duniya

hamen to muft mein badnam kar gai duniya

matalibon se nahin mil saki najat kabhi

hawas ke zinda taqazon se bhar gai duniya

har ek ankh mein charhta hua ana ka nasha

har ek harf-e-wafa se makar gai duniya

asir kar ke tabahi ke mujh ko daldal mein

batae kaun ye mujh ko kidhar gai duniya

wo kya hue mire pur kaif pur sakun lamhe

mujhe talash hai jis ki kidhar gai duniya

kati hui hai har ik shakh per se mohsin

lo barg-e-khushk si ab ke bikhar gai duniya