میں تمہارا اپنا ہوں آنکھ کھول کر دیکھو

میں تمہارا اپنا ہوں آنکھ کھول کر دیکھو

اپنے دل کو اے جاناں تم ٹٹول کر دیکھو

تختیاں ہیں ناموں کی خوش نما ہر اک در پر

اک اتھاہ ویرانی گھر جو کھول کر دیکھو

یہ سلگتے نظارے یہ دھواں دھواں منظر

گونجتے ہیں سناٹے کچھ تو بول کر دیکھو

نقش چھوڑ جائیں گے لفظ میرے ہر دل پر

عقل کی ترازو میں تم جو تول کر دیکھو

لکھ سکو گے تم محسنؔ ظلمتوں کے افسانے

روشنائی میں تھوڑا عزم گھول کر دیکھو

main tumhara apna hun ankh khol kar dekho

apne dil ko ai janan tum tatol kar dekho

takhtiyan hain namon ki khush numa har ik dar par

ik athah wirani ghar jo khol kar dekho

ye sulagte nazzare ye dhuan dhuan manzar

gunjte hain sannate kuchh to bol kar dekho

naqsh chhor jaenge lafz mere har dil par

aql ki tarazu mein tum jo tol kar dekho

likh sakoge tum mohsin zulmaton ke afsane

raushnai mein thora azm-e-ghol kar dekho