اک جنوں بے مثال چاہتا ہوں

اک جنوں بے مثال چاہتا ہوں

بس تمہارا خیال چاہتا ہوں

بے ارادہ جو تو نے بخشی تھی

وہ خوشی پھر بحال چاہتا ہوں

مضطرب ہو گئے ہیں زخم جگر

اک سکوں لازوال چاہتا ہوں

بس دکھی دل کا یہ مداوا ہے

لمحہ لمحہ وصال چاہتا ہوں

دور ماضی میں لے چلو مجھ کو

پھر وہی ماہ و سال چاہتا ہوں

سرخ روئی کے واسطے محسنؔ

اک ہنر با کمال چاہتا ہوں

ik junun be misal chahta hun

bas tumhara khayal chahta hun

be irada jo tu ne bakhshi thi

wo khushi phir bahal chahta hun

muztarib ho gae hain zakhm-e-jigar

ik sukun lazawal chahta hun

bas dukhi dil ka ye mudawa hai

lamha lamha wisal chahta hun

dur mazi mein le chalo mujh ko

phir wahi mah-o-sal chahta hun

surkh roi ke waste mohsin

ik hunar ba kamal chahta hun