ابھی ہے ان کی جفاؤں کی اک چبھن باقی

ابھی ہے ان کی جفاؤں کی اک چبھن باقی

فغاں و نوحہ گری کی ہے کچھ اگن باقی

عبادتوں میں تقدس کا اب چلن ہے کہاں

جبین زہد میں سجدوں کی ہے چبھن باقی

ہے پاس حکم خدا نہ خیال محشر کا

فقط ہے اندھے عقائد کا اب چلن باقی

ہر ایک گام بچھی ہے بساط رسوائی

نہ سبزہ زار ہیں اب اور نہ وہ چمن باقی

فسردگی کے اندھیروں میں کھوئے رہتے ہیں

نہ وہ خوشی ہے میسر نہ وہ لگن باقی

لبوں پہ رقص تبسم تھا آج تک میرے

ہے پاس کچھ تو محض رنج اور محن باقی

پیمبری کا نہیں شوق مجھ کو اے محسنؔ

ہے دل میں میرے فقط آج فکر فن باقی

abhi hai un ki jafaon ki ik chubhan baqi

fughan-o-nauha giri ki hai kuchh agan baqi

ibadaton mein taqaddus ka ab chalan hai kahan

jabin-e-zohd mein sajdon ki hai chubhan baqi

hai pas hukm-e-khuda na khayal mahshar ka

faqat hai andhe aqaid ka ab chalan baqi

har ek gam bichhi hai bisat-e-ruswai

na sabza zar hain ab aur na wo chaman baqi

fasurdagi ke andheron mein khoe rahte hain

na wo khushi hai muyassar na wo lagan baqi

labon pe raqs tabassum tha aj tak mere

hai pas kuchh to mahz ranj aur mehan baqi

payambari ka nahin shauq mujh ko ai mohsin

hai dil mein mere faqat aj fikr fan baqi