میں نے کہا کہ دل میں تو ارمان ہیں بہت
Daood Mohsin (b. 1962)میں نے کہا کہ دل میں تو ارمان ہیں بہت
اس نے کہا کہ آپ تو نادان ہیں بہت
میں نے کہا کہ مجھ کو ہے جنت کی آرزو
اس نے کہا کہ واقف ایمان ہیں بہت
میں نے کہا کہ مہکا ہوا اک گلاب ہوں
اس نے کہا زمیں پہ گلستان ہیں بہت
میں نے کہا کہ میری پناہوں میں آئیے
اس نے کہا کہ میرے نگہبان ہیں بہت
میں نے کہا کہ ایک مرصع غزل ہوں میں
اس نے کہا کہ ایسے تو دیوان ہیں بہت
میں نے کہا کہ ترک وفا سے ہوں شرمسار
اس نے کہا کہ ہم بھی پشیمان ہیں بہت
میں نے کہا کہ رکھے گا محسنؔ ادب کی لاج
اس نے کہا کہ ویسے تو امکان ہیں بہت
main ne kaha ke dil mein to arman hain bahut
us ne kaha ke ap to nadan hain bahut
main ne kaha ke mujh ko hai jannat ki arzu
us ne kaha ke waqif-e-iman hain bahut
main ne kaha ke mahka hua ik gulab hun
us ne kaha zamin pe gulistan hain bahut
main ne kaha ke meri panahon mein aiye
us ne kaha ke mere nigahban hain bahut
main ne kaha ke ek murassaa ghazal hun main
us ne kaha ke aise to diwan hain bahut
main ne kaha ke tark-e-wafa se hun sharmsar
us ne kaha ke ham bhi pasheman hain bahut
main ne kaha ke rakhega mohsin adab ki laj
us ne kaha ke waise to imkan hain bahut