Arooz is now on the App Store, for iPhone and iPad. Download →

All poetry

تخم نفرت بو رہا ہے آدمی

Daood Mohsin (b. 1962)

تخم نفرت بو رہا ہے آدمی

آدمیت کھو رہا ہے آدمی

زندگی کا نام ہے جہد مدام

سو رہا ہے سو رہا ہے آدمی

آگہی ہے شرط جینے کے لئے

پھر بھی غافل ہو رہا ہے آدمی

چل سکا نہ راہ پر اسلاف کی

نقش پا اب کھو رہا ہے آدمی

کاشف ذات خدا تھا سربسر

اب نہیں ہے جو رہا ہے آدمی

اپنے ہی اعمال پر پچھتا کے اب

رو رہا ہے رو رہا ہے آدمی

قند گفتاری اے محسنؔ اب کہاں

زہر آسا ہو رہا ہے آدمی