کوئی مشکل نہیں انساں ہونا

کوئی مشکل نہیں انساں ہونا

آدمی سیکھ لے ناداں ہونا

کچھ بھی ہوتا نہیں اتنا آساں

جتنا آساں ہے پریشاں ہونا

اچھے اچھوں کو بنا دے شیطاں

کوئی امید نہ امکاں ہونا

دل کی مانوں گا نہ اب دلبر کی

ہو گیا جتنا تھا نقصاں ہونا

فکر فردا سے ہوا ہے سب کچھ

ورنہ کچھ بھی نہ تھا آساں ہونا

عشق بازی ہی سبب ہے پروازؔ

یوں ترا بے سر و ساماں ہونا

koi mushkil nahin insan hona

admi sikh le nadan hona

kuchh bhi hota nahin itna asan

jitna asan hai pareshan hona

achchhe achchhon ko bana de shaitan

koi ummid na imkan hona

dil ki manunga na ab dilbar ki

ho gaya jitna tha nuqsan hona

fikr-e-farda se hua hai sab kuchh

warna kuchh bhi na tha asan hona

ishq bazi hi sabab hai parwaz

yun tira be sar-o-saman hona