عشق رسم و رواج کیا سمجھے

عشق رسم و رواج کیا سمجھے

دل کی باتیں سماج کیا سمجھے

جو ادا ہی ادا ہو سر تا پا

وہ کسی کا مزاج کیا سمجھے

کیا سمجھتا ہے حال ماضی کو

کل کی باتوں کو آج کیا سمجھے

تشنگی ہی شراب کو جانے

بھوک کیا ہے اناج کیا سمجھے

ضبط کیا جانے موج مستی کو

بے خودی لوک لاج کیا سمجھے

کیا سمجھتے ہیں عرش کو طائر

شاہ بھی تخت و تاج کیا سمجھے

تو ہے پروازؔ ادنیٰ سا شاعر

درد دل کا علاج کیا سمجھے

ishq rasm-o-riwaj kya samjhe

dil ki baten samaj kya samjhe

jo ada hi ada ho sar ta pa

wo kisi ka mizaj kya samjhe

kya samajhta hai hal mazi ko

kal ki baton ko aj kya samjhe

tishnagi hi sharab ko jane

bhuk kya hai anaj kya samjhe

zabt kya jane mauj masti ko

be khudi lok laj kya samjhe

kya samajhte hain arsh ko tair

shah bhi takht-o-taj kya samjhe

tu hai parwaz adna sa shayar

dard-e-dil ka ilaj kya samjhe