کیا کرے یا نہ کیا کرے کوئی

کیا کرے یا نہ کیا کرے کوئی

چپ رہے یا گلہ کرے کوئی

کس کا شکوہ گلہ کرے کوئی

کوئی داؤد ٹھاکرے کوئی

آئے کیا کیا مرے تصور میں

کچھ نہ سمجھے خدا کرے کوئی

اس قدر ہیں بھرشٹ سرکاریں

کیوں نہ محشر بپا کرے کوئی

رونے بھی چین سے نہیں دیتے

غم گساروں کا کیا کرے کوئی

کوئی امید ہے نہ امکاں ہے

ایسی صورت میں کیا کرے کوئی

تو نے پروازؔ کیا کسی کا کیا

کیوں تری واہ وا کرے کوئی

kya kare ya na kya kare koi

chup rahe ya gila kare koi

kis ka shikwa gila kare koi

koi daud thakare koi

ae kya kya mire tasawwur mein

kuchh na samjhe khuda kare koi

is qadar hain bharasht sarkaren

kyun na mahshar bapa kare koi

rone bhi chain se nahin dete

gham gusaron ka kya kare koi

koi ummid hai na imkan hai

aisi surat mein kya kare koi

tu ne parwaz kya kisi ka kiya

kyun tiri wah wa kare koi