کر گئے اتنا نکما ترے احساں ہم کو

کر گئے اتنا نکما ترے احساں ہم کو

فائدے سے بھی زیادہ ہوا نقصاں ہم کو

مے کشی سے ہمیں یہ فائدہ ہے اے زاہد

لگنے لگتے ہیں سبھی کام ہی آساں ہم کو

کون نقصان اٹھاتا ہے اصولوں کے لئے

دین و ایمان سے بڑھ کر ہیں دل و جاں ہم کو

ہم سے ناچیز بھی رکھتے ہیں یہ خواہش دل میں

کوئی سمجھے ہمیں آقا کوئی سلطاں ہم کو

آج پل باندھ رہے ہیں وہی تعریفوں کے

زندگی بھر جو سمجھتے رہے ناداں ہم کو

خود بخود ڈھونڈے گی رستہ کوئی رحمت اس کی

راس آ جائے گی خود گردش دوراں ہم کو

فکر فردا سے بڑا روگ نہیں کوئی بھی

عمر بھر رکھتی ہے بے کار پریشاں ہم کو

دل میں ہے درد ترا فکر تری پیار ترا

کیسے لگتا نہ یہ ویرانہ گلستاں ہم کو

kar gae itna nikamma tire ehsan ham ko

faide se bhi ziyada hua nuqsan ham ko

mai kashi se hamen ye faida hai ai zahid

lagne lagte hain sabhi kam hi asan ham ko

kaun nuqsan uthata hai usulon ke liye

din-o-iman se barh kar hain dil-o-jan ham ko

ham se nachiz bhi rakhte hain ye khwahish dil mein

koi samjhe hamen aqa koi sultan ham ko

aj pal bandh rahe hain wahi taarifon ke

zindagi bhar jo samajhte rahe nadan ham ko

khud bakhud dhundegi rasta koi rahmat us ki

ras a jaegi khud gardish-e-dauran ham ko

fikr-e-farda se bara rog nahin koi bhi

umr bhar rakhti hai be kar pareshan ham ko

dil mein hai dard tira fikr tiri pyar tira

kaise lagta na ye wirana gulistan ham ko