چاہے مانو برا ہم نہیں مانتے

چاہے مانو برا ہم نہیں مانتے

پتھروں کو خدا ہم نہیں مانتے

جس کے ہونے نہ ہونے کی تصدیق ہو

اس خدا کو خدا ہم نہیں مانتے

مانتے ہیں اسے جو دکھائی نہ دے

اور کوئی خدا ہم نہیں مانتے

چاہے کتنا ہی مشکل ہو جینا اسے

زندگی کو سزا ہم نہیں مانتے

اپنے اعمال کی بھی ہے کچھ تو خطا

سب ہے رب کی رضا ہم نہیں مانتے

ہم کو خود بھی نہیں کچھ پتا دوستو

مانتے بھی ہیں یا ہم نہیں مانتے

مانتے ہیں بری عادتوں کا برا

غلطیوں کا برا ہم نہیں مانتے

ہم سمجھتے ہیں سر پر چڑھانا برا

پیار کا تو برا ہم نہیں مانتے

مے کے پینے سے کتنی بھی راحت ملے

مے کا پینا بجا ہم نہیں مانتے

دوش دے سکتے ہیں اپنی تقدیر کو

یار کو بے وفا ہم نہیں مانتے

مان سکتے ہیں ہم اس کو اک خوف ہی

کچھ ہے رب سے بڑا ہم نہیں مانتے

کیوں یہی کچھ ہی پروازؔ اکثر کہو

میں نہیں مانتا ہم نہیں مانتے

chahe mano bura ham nahin mante

pattharon ko khuda ham nahin mante

jis ke hone na hone ki tasdiq ho

is khuda ko khuda ham nahin mante

mante hain use jo dikhai na de

aur koi khuda ham nahin mante

chahe kitna hi mushkil ho jina use

zindagi ko saza ham nahin mante

apne aamal ki bhi hai kuchh to khata

sab hai rab ki raza ham nahin mante

ham ko khud bhi nahin kuchh pata dosto

mante bhi hain ya ham nahin mante

mante hain buri adaton ka bura

ghalatiyon ka bura ham nahin mante

ham samajhte hain sar par charhana bura

pyar ka to bura ham nahin mante

mai ke pine se kitni bhi rahat mile

mai ka pina baja ham nahin mante

dosh de sakte hain apni taqdir ko

yar ko be wafa ham nahin mante

man sakte hain ham us ko ik khauf hi

kuchh hai rab se bara ham nahin mante

kyun yahi kuchh hi parwaz aksar kaho

main nahin manta ham nahin mante