جان کو خطرہ کبھی ایمان کو

جان کو خطرہ کبھی ایمان کو

کوئی سمجھائے دل نادان کو

کیوں کرے جنت کی کوئی آرزو

زندگی پیاری ہے ہر انسان کو

بھول جاؤ دوستوں کی بے رخی

یاد رکھو غیر کے احسان کو

ہم کسی قابل نہیں اس عمر میں

اب کوئی خطرہ نہیں ایمان کو

اتنی تو پروازؔ میں توفیق ہے

مات دے سکتا ہے یہ شیطان کو

jan ko khatra kabhi iman ko

koi samjhae dil-e-nadan ko

kyun kare jannat ki koi arzu

zindagi pyari hai har insan ko

bhul jao doston ki be rukhi

yad rakho ghair ke ehsan ko

ham kisi qabil nahin is umr mein

ab koi khatra nahin iman ko

itni to parwaz mein taufiq hai

mat de sakta hai ye shaitan ko