کئی سپنے ادھورے رہ گئے ہیں

کئی سپنے ادھورے رہ گئے ہیں

مری مٹھی میں لمحے رہ گئے ہیں

خوشامد کا ہنر ہم کو نہ آیا

اسی باعث تو پیچھے رہ گئے ہیں

پریشاں اس لیے پھرتے ہیں بادل

بہت سے کھیت پیاسے رہ گئے ہیں

ہم اپنے زیست کے اندھے سفر میں

اکیلے تھے اکیلے رہ گئے ہیں

بہت خوش ہو چراغوں کو بجھا کر

وہ دیکھو چاند تارے رہ گئے ہیں

kai sapne adhure rah gae hain

miri mutthi mein lamhe rah gae hain

khushamad ka hunar ham ko na aya

isi bais to pichhe rah gae hain

pareshan is liye phirte hain badal

bahut se khet pyase rah gae hain

ham apne zist ke andhe safar mein

akele the akele rah gae hain

bahut khush ho charaghon ko bujha kar

wo dekho chand tare rah gae hain