ہمدردیاں کسی سے کسی سے دعا ملی

ہمدردیاں کسی سے کسی سے دعا ملی

یا رب صلہ ملا ہے مجھے یا سزا ملی

اس آدمی کو جانئے سب کچھ ہی مل گیا

جس آدمی کو دولت شرم و حیا ملی

کچھ لوگوں کی شکایتیں ہوں گی بجا مگر

ہم کو تو دوستی میں ہمیشہ وفا ملی

پی جائیں خم کے خم ہی جو پیر مغاں انہیں

پیمانوں میں شراب ملی بھی تو کیا ملی

اڑنے سے روک لیں مری کمزوریاں مجھے

بے شک ہزار بار موافق ہوا ملی

کس کام کا وہ آدمی اس دور میں جئے

انداز صوفیانہ نظر پارسا ملی

وہ شخص معتبر ہوا اجمیر جو گیا

ندیا ہوئی نہال جو گنگا میں جا ملی

پروازؔ خوش نصیب ہے وہ آدمی جسے

رہبر ملا درست نصیحت بجا ملی

hamdardiyan kisi se kisi se dua mili

ya rab sila mila hai mujhe ya saza mili

us admi ko janiye sab kuchh hi mil gaya

jis admi ko daulat-e-sharm-o-haya mili

kuchh logon ki shikayaten hongi baja magar

ham ko to dosti mein hamesha wafa mili

pi jaen kham ke kham hi jo pir-e-mughan unhen

paimanon mein sharab mili bhi to kya mili

urne se rok len miri kamzoriyan mujhe

be shak hazar bar muafiq hua mili

kis kam ka wo admi is daur mein jiye

andaz-e-sufiyana nazar parsa mili

wo shakhs motabar hua ajmer jo gaya

nadiya hui nihal jo ganga mein ja mili

parwaz khush nasib hai wo admi jise

rahbar mila durust nasihat baja mili