Arooz is now on the App Store, for iPhone and iPad. Download →

All poetry

اس بات کو بھولیں نہ مسلمان خدا کے

Darshan Dayal Parwaz (b. 1935)

اس بات کو بھولیں نہ مسلمان خدا کے

کافر بھی حقیقت میں ہیں انسان خدا کے

وہ کون ہے جس کو نہیں کچھ اس سے شکایت

وہ کون ہے جس پر نہیں احسان خدا کے

بڑھتا ہی چلا جاتا ہے دنیا میں تعصب

بنتے ہی چلے جاتے ہیں ایوان خدا کے

جلتی ہیں بہر حال گناہوں کی سزائیں

کرتے رہیں ہم کتنے بھی گن گان خدا کے

دنیا تو حقیقت میں ہے اک رین بسیرا

ہم سب تو ہیں کچھ وقت کے مہمان خدا کے

مر کر بھی ضروری نہیں پائیں گے رہائی

دنیا کے علاوہ بھی ہیں زندان خدا کے

سوچو تو ذرا بھی نہیں انسان کی وقعت

سدھ بدھ بھی خدا کی ہے دل و جان خدا کے

پروازؔ کبھی غور سے یہ بات بھی سوچیں

اک بار بھی کام آیا ہے انسان خدا کے