خمار قرب میں اس بات کا خیال نہ تھا

خمار قرب میں اس بات کا خیال نہ تھا

ہمارے ذہن میں کچھ اور تھا وصال نہ تھا

تری جدائی میں مہتاب دیکھتے ہم کیا

ہمارا مسئلہ تو تھا ترا جمال نہ تھا

پھر ایک دن اسے سب لوگ دیکھنے پہنچے

پلٹ کے آئے تو لب پر کوئی سوال نہ تھا

کمال یہ ہے ترے ہجر میں سلامت ہوں

ترے فراق میں مرنا کوئی کمال نہ تھا

غموں کے وہم میں گزری ہے زندگی ساری

ملال کرتے رہے گو کوئی ملال نہ تھا

جو تیرا حال ہے اس سے تو صاف لگتا ہے

ہمارے بعد کسی کو ترا خیال نہ تھا

khumar qurb mein is bat ka khayal na tha

hamare zehn mein kuchh aur tha wisal na tha

tiri judai mein mahtab dekhte ham kya

hamara masala to tha tira jamal na tha

phir ek din use sab log dekhne pahunche

palat ke ae to lab par koi sawal na tha

kamal ye hai tire hijr mein salamat hun

tire firaq mein marna koi kamal na tha

ghamon ke wahm mein guzri hai zindagi sari

malal karte rahe go koi malal na tha

jo tera hal hai us se to saf lagta hai

hamare baad kisi ko tira khayal na tha