تم عبث ڈھونڈھتے پھرتے ہو کہاں رستہ تھا

تم عبث ڈھونڈھتے پھرتے ہو کہاں رستہ تھا

ہم نے دیوار اٹھا دی ہے جہاں رستہ تھا

بس یہی سوچ کے جنگل کی طرف آ نکلے

صاحب خواب بتاتا ہے یہاں رستہ تھا

ہم ہی تقلید پرستوں سے الگ تھے ورنہ

جس جگہ بھیڑ تھی لوگوں کی وہاں رستہ تھا

میں ترے شہر تصور سے ابھی لوٹا ہوں

پیڑ سرسبز تھے خوشبو تھی جواں رستہ تھا

کربلا جاتے ہوئے راہ سے لوٹ آیا ہوں

بزدلی دیکھ مری نوحہ کناں رستہ تھا

tum abas dhundhte phirte ho kahan rasta tha

ham ne diwar utha di hai jahan rasta tha

bas yahi soch ke jangal ki taraf a nikle

sahab-e-khwab batata hai yahan rasta tha

ham hi taqlid paraston se alag the warna

jis jagah bhir thi logon ki wahan rasta tha

main tire shahr tasawwur se abhi lauta hun

per sarsabz the khushbu thi jawan rasta tha

karbala jate hue rah se laut aya hun

buzdili dekh miri nauha kunan rasta tha