جو تھکاوٹ پہ مبنی نیند نہیں

جو تھکاوٹ پہ مبنی نیند نہیں

میں سمجھتا ہوں اچھی نیند نہیں

آدھی بستی کو جاگنا ہوگا

جتنی آنکھیں ہیں اتنی نیند نہیں

موت سے کیوں ڈرا رہے ہو مجھے

یہ کوئی میری پہلی نیند نہیں

آنکھیں اچھی ہیں اس ستارے پر

اس ستارے پہ اچھی نیند نہیں

ایک دن اس نے کہہ دیا مجھ سے

میں تمہاری ہوں میری نیند نہیں

اس کے چہرے کو پڑھ کے سوتا ہوں

مجھ سے اچھی کسی کی نیند نہیں

خواب کتنے ہی دیکھنے ہیں ابھی

اور آنکھوں میں رتی نیند نہیں

jo thakawat pe mabni nind nahin

main samajhta hun achchhi nind nahin

adhi basti ko jagna hoga

jitni ankhen hain itni nind nahin

maut se kyun dara rahe ho mujhe

ye koi meri pahli nind nahin

ankhen achchhi hain is sitare par

is sitare pe achchhi nind nahin

ek din us ne kah diya mujh se

main tumhari hun meri nind nahin

us ke chehre ko parh ke sota hun

mujh se achchhi kisi ki nind nahin

khwab kitne hi dekhne hain abhi

aur ankhon mein ratti nind nahin