وہ پریشانی سر دشت عدم ہے ہم کو

وہ پریشانی سر دشت عدم ہے ہم کو

باغ رضوان بھی مل جائے تو کم ہے ہم کو

اب بھی دل میں ترے ہونے کا گماں باقی ہے

ٹوٹتے بنتے ارادوں کی قسم ہے ہم کو

اس کو کہتے ہیں میاں زخم کا تازہ ہونا

وہ کسی اور سے بچھڑا ہے تو غم ہے ہم کو

تجھ سے یوں مانگتے ہیں تیرا بھرم رہ جائے

ورنہ ہر چیز محبت میں بہم ہے ہم کو

ترے آنے پہ کوئی رد عمل کیا دیتے

یہ خوشی اتنی زیادہ ہے نہ کم ہے ہم کو

wo pareshani-e-sar dasht-e-adam hai ham ko

bagh-e-rizwan bhi mil jae to kam hai ham ko

ab bhi dil mein tire hone ka guman baqi hai

tutte bante iradon ki qasam hai ham ko

us ko kahte hain miyan zakhm ka taza hona

wo kisi aur se bichhra hai to gham hai ham ko

tujh se yun mangte hain tera bharam rah jae

warna har chiz mohabbat mein baham hai ham ko

tire ane pe koi rad-e-amal kya dete

ye khushi itni ziyada hai na kam hai ham ko