یہ جو لگتا ہے ضرورت سے بھی کم بولتے ہیں

یہ جو لگتا ہے ضرورت سے بھی کم بولتے ہیں

ہم کو وہ شخص بلاتا ہے تو ہم بولتے ہیں

کون ہستی کا گزر میرے خرابے سے ہوا

کس تفاخر سے یہاں نقش قدم بولتے ہیں

دونوں جانب وہ انا تھی کہ یہ نوبت آئی

اب ہمیں یار بلاتے ہیں نہ ہم بولتے ہیں

یہ جو ہر بات پہ کر دیتے ہیں تقریر شروع

ہم تو سنتے تھے کبھی ان کے قلم بولتے ہیں

ایسی بستی کی زباں خاک میں سمجھوں گا جہاں

لوگ خاموش ہیں دینار و درم بولتے ہیں

ye jo lagta hai zarurat se bhi kam bolte hain

ham ko wo shakhs bulata hai to ham bolte hain

kaun hasti ka guzar mere kharabe se hua

kis tafakhur se yahan naqsh-e-qadam bolte hain

donon janib wo ana thi ke ye naubat ai

ab hamen yar bulate hain na ham bolte hain

ye jo har bat pe kar dete hain taqrir shuru

ham to sunte the kabhi un ke qalam bolte hain

aisi basti ki zaban khak mein samjhunga jahan

log khamosh hain dinar-o-diram bolte hain