ترے خیال کی جنت میں کھو گیا ہوں میں

ترے خیال کی جنت میں کھو گیا ہوں میں

اب اپنے آپ کو رہ رہ کے ڈھونڈھتا ہوں میں

ہجوم شورش جلوہ سے آشنا ہوں میں

اک اجنبی سا الگ دور جا کھڑا ہوں میں

حریم ناز میں بے وقت آ گیا یہ بجا

حضور سوچیں تو کیا کوئی دوسرا ہوں میں

شب فراق میں اک آس لے کے وعدوں کی

چراغ اشک لئے راہ پر کھڑا ہوں میں

تشدد غم ہستی وہ دے کے سب نغمے

خلیلؔ آج تو اک ساز بے صدا ہوں میں

tire khayal ki jannat mein kho gaya hun main

ab apne ap ko rah rah ke dhundhta hun main

hujum-e-shorish-e-jalwa se ashna hun main

ik ajnabi sa alag dur ja khara hun main

harim-e-naz mein be waqt a gaya ye baja

huzur sochen to kya koi dusra hun main

shab-e-firaq mein ik as le ke waadon ki

charagh-e-ashk liye rah par khara hun main

tashaddud-e-gham hasti wo de ke sab naghme

khalil aj to ik saz-e-be sada hun main