اس لئے تیز بھاگتا ہوں میں

اس لئے تیز بھاگتا ہوں میں

اپنے پیچھے پڑا ہوا ہوں میں

گھپ اندھیرے میں روشنی کی طرح

اس کی آنکھوں سے گر رہا ہوں میں

مجھ کو غم تو نہیں جدائی کا

یہ مروت میں رو رہا ہوں میں

یاد کرنا بھی اس کو چھوڑ دیا

آخری چال چل چکا ہوں میں

میری باتیں مذاق میں مت لے

زندگی تجھ سے کچھ بڑا ہوں میں

مجھ سے وہ صلح کرنے والا تھا

اور ناراض ہو گیا ہوں میں

دشت اس بات پر بہت خوش ہے

اس کے حصے میں آ گیا ہوں میں

باتیں ہونے لگی ہیں میرے خلاف

یعنی محفل سے جا چکا ہوں میں

is liye tez bhagta hun main

apne pichhe para hua hun main

ghap andhere mein raushni ki tarah

us ki ankhon se gir raha hun main

mujh ko gham to nahin judai ka

ye murawwat mein ro raha hun main

yad karna bhi us ko chhor diya

akhiri chal chal chuka hun main

meri baten mazaq mein mat le

zindagi tujh se kuchh bara hun main

mujh se wo sulh karne wala tha

aur naraz ho gaya hun main

dasht is bat par bahut khush hai

us ke hisse mein a gaya hun main

baten hone lagi hain mere khilaf

yaani mahfil se ja chuka hun main