گرد پڑنے پہ بھی سرشار ہوا کرتا تھا

گرد پڑنے پہ بھی سرشار ہوا کرتا تھا

ایک رستے سے مجھے پیار ہوا کرتا تھا

ان دنوں وہ بھی سمجھتا تھا حقیقت مجھ کو

ان دنوں میں بھی اداکار ہوا کرتا تھا

ان دنوں غم بھی زیادہ نہیں ہوتے تھے مجھے

میرا کمرہ بھی ہوا دار ہوا کرتا تھا

میں کہ اظہار پہ شرمندہ نہیں تھا جب تک

اشک چہرے پہ نمودار ہوا کرتا تھا

تو ملا ہے تو کھلا مجھ پہ عجب راز کہ تو

بس مجھے ہجر میں درکار ہوا کرتا تھا

راستہ اب جو مرے پاؤں پڑا رہتا ہے

یہ کبھی راہ کی دیوار ہوا کرتا تھا

شہر کا شہر ہی ظالم کا مددگار تھا اور

شہر کا شہر عزادار ہوا کرتا تھا

جس کہانی کے تصور سے دہل جاتے ہیں لوگ

اس کا میں مرکزی کردار ہوا کرتا تھا

gard parne pe bhi sarshar hua karta tha

ek raste se mujhe pyar hua karta tha

in dinon wo bhi samajhta tha haqiqat mujh ko

in dinon mein bhi adakar hua karta tha

in dinon gham bhi ziyada nahin hote the mujhe

mera kamra bhi hua dar hua karta tha

main ke izhar pe sharminda nahin tha jab tak

ashk chehre pe numudar hua karta tha

tu mila hai to khula mujh pe ajab raz ke tu

bas mujhe hijr mein darkar hua karta tha

rasta ab jo mire paon para rahta hai

ye kabhi rah ki diwar hua karta tha

shahr ka shahr hi zalim ka madadgar tha aur

shahr ka shahr azadar hua karta tha

jis kahani ke tasawwur se duhul jate hain log

us ka main markazi kirdar hua karta tha