ہوش و خرد سے دور ہوں سود و زیاں سے دور

ہوش و خرد سے دور ہوں سود و زیاں سے دور

حد نظر سے دور زمان و مکاں سے دور

منزل ہے میرے عشق کی فہم و گماں سے دور

رنگینیٔ جمال سے صحرا بھی ہے چمن

بیٹھا ہوں گلستاں میں مگر گلستاں سے دور

یہ بے خودیٔ شوق کا عالم تو دیکھیے

سجدے تو کر رہا ہوں مگر آستاں سے دور

دل بھی وہی ہے میں بھی وہی درد بھی وہی

لیکن یہ کیا کہ لذت سوز نہاں سے دور

شاید اسی کا نام ہے ناکامیٔ مراد

منزل سے ہوں قریب مگر کارواں سے دور

افسانۂ حیات کو سمجھو تو اے صباؔ

ہر حرف داستاں ہے مگر داستاں سے دور

hosh-o-khirad se dur hun sud-o-ziyan se dur

had-e-nazar se dur zaman-o-makan se dur

manzil hai mere ishq ki fahm-o-guman se dur

rangini-e-jamal se sahra bhi hai chaman

baitha hun gulistan mein magar gulistan se dur

ye be khudi-e-shauq ka alam to dekhiye

sajde to kar raha hun magar astan se dur

dil bhi wahi hai main bhi wahi dard bhi wahi

lekin ye kya ke lazzat-e-soz-e-nihan se dur

shayad usi ka nam hai nakami-e-murad

manzil se hun qarib magar karwan se dur

afsana-e-hayat ko samjho to ai saba

har harf-e-dastan hai magar dastan se dur