راز ہے بہت گہرا بات اک ذرا سی ہے

راز ہے بہت گہرا بات اک ذرا سی ہے

وہ میں سامنے پھر بھی چشم شوق پیاسی ہے

زندگی بھی برہم ہے موت بھی خفا سی ہے

آج کل تو دونوں میں آپ کی اداسی ہے

اپنی انجمن سے ہم یہ کہاں چلے آئے

ہر طرف اندھیرا ہے ہر طرف اداسی ہے

داغ دل کو روشن کر غم کی رات ہے لمبی

شمع کا بھروسہ کیا مہ بھی بے وفا سی ہے

آپ حضرت‌ واعظ پہلے خود کو پہچانیں

کیونکہ خود شناسی ہی وجہ حق شناسی ہے

جام اس لئے اپنا آنسوؤں سے بھرتا ہوں

جس نظر سے پیتا تھا آج وہ بھی پیاسی ہے

یوں تو ہجر کی راتیں روز ہی گزرتی ہیں

آج اے صباؔ لیکن صبح سے اداسی ہے

raz hai bahut gahra bat ik zara si hai

wo main samne phir bhi chashm-e-shauq pyasi hai

zindagi bhi barham hai maut bhi khafa si hai

aj kal to donon mein ap ki udasi hai

apni anjuman se ham ye kahan chale ae

har taraf andhera hai har taraf udasi hai

dagh-e-dil ko raushan kar gham ki rat hai lambi

shama ka bharosa kya mah bhi be wafa si hai

ap hazrat-e-waiz pahle khud ko pahchanen

kyunke khud shanasi hi wajh-e-haq shanasi hai

jam is liye apna ansuon se bharta hun

jis nazar se pita tha aj wo bhi pyasi hai

yun to hijr ki raten roz hi guzarti hain

aj ai saba lekin subh se udasi hai