بھول جانا تھا تو پھر اپنا بنایا کیوں تھا

بھول جانا تھا تو پھر اپنا بنایا کیوں تھا

تم نے الفت کا یقیں مجھ کو دلایا کیوں تھا

ایک بھٹکے ہوئے راہی کو سہارا دے کر

جھوٹی منزل کا نشاں تم نے دکھایا کیوں تھا

خود ہی طوفان اٹھانا تھا محبت میں اگر

ڈوبنے سے مری کشتی کو بچایا کیوں تھا

جس کی تعبیر اب اشکوں کے سوا کچھ بھی نہیں

خواب ایسا میری آنکھوں کو دکھایا کیوں تھا

اپنے انجام پہ اب کیوں ہو پشیمان صباؔ

ایک بے درد سے دل تم نے لگایا کیوں تھا

bhul jana tha to phir apna banaya kyun tha

tum ne ulfat ka yaqin mujh ko dilaya kyun tha

ek bhatke hue rahi ko sahara de kar

jhuti manzil ka nishan tum ne dikhaya kyun tha

khud hi tufan uthana tha mohabbat mein agar

dubne se miri kashti ko bachaya kyun tha

jis ki taabir ab ashkon ke siwa kuchh bhi nahin

khwab aisa meri ankhon ko dikhaya kyun tha

apne anjam pe ab kyun ho pasheman saba

ek be dard se dil tum ne lagaya kyun tha