رخ پہ اپنے نقاب رہنے دے
Ibraheem Khaleel (1916–1992)رخ پہ اپنے نقاب رہنے دے
درمیاں اک حجاب رہنے دے
سعی پیہم کی سسکیوں پہ نہ جا
شوق میں پیچ و تاب رہنے دے
دل کا آئینہ ہے جواب ترا
ہے بھی تو لا جواب رہنے دے
جرم میرے کہاں تری رحمت
یہ حساب و کتاب رہنے دے
پھر کہیں کھو کے رہ نہ جائے خلیلؔ
اذن چنگ و رباب رہنے دے
rukh pe apne naqab rahne de
darmiyan ik hijab rahne de
sai-e-paiham ki siskiyon pe na ja
shauq mein pech-o-tab rahne de
dil ka aina hai jawab tira
hai bhi to la jawab rahne de
jurm mere kahan tiri rahmat
ye hisab-o-kitab rahne de
phir kahin kho ke rah na jae khalil
izn-e-chang-o-rabab rahne de