شاخوں پر جب پتے ہلنے لگتے ہیں

شاخوں پر جب پتے ہلنے لگتے ہیں

آنسو میرے دل پہ گرنے لگتے ہیں

تجھ سے دوری اور قیامت لگتی ہے

آپس میں دو وقت جو ملنے لگتے ہیں

دن تو جیسے تیسے کٹ ہی جاتا ہے

رات کو اٹھ اٹھ تارے گننے لگتے ہیں

ایک تبسم دیکھ کے تیرے ہونٹوں پر

پھول خزاں کی رت میں کھلنے لگتے ہیں

ہوتا ہے شانوں پہ محسوس اس کا ہاتھ

موسم جب بھی رنگ بدلنے لگتے ہیں

اس کی جب ہو جائے نصرتؔ چشم کرم

چاک گریبانوں کے سلنے لگتے ہیں

shakhon par jab patte hilne lagte hain

ansu mere dil pe girne lagte hain

tujh se duri aur qayamat lagti hai

apas mein do waqt jo milne lagte hain

din to jaise taise kat hi jata hai

rat ko uth uth tare ginne lagte hain

ek tabassum dekh ke tere honton par

phul khizan ki rut mein khulne lagte hain

hota hai shanon pe mahsus us ka hath

mausam jab bhi rang badalne lagte hain

us ki jab ho jae nusrat chashm-e-karam

chak garebanon ke silne lagte hain