کبھی تمہارا مرا سامنا نہیں ہوتا

کبھی تمہارا مرا سامنا نہیں ہوتا

وگرنہ شہر میں ہر روز کیا نہیں ہوتا

بدن سے روح کا ٹانکا ادھڑ رہا ہے مگر

وہ ایک شخص ہی مجھ سے جدا نہیں ہوتا

تمام لوگ ترستے ہیں روشنی کے لیے

مگر نصیب میں سب کے دیا نہیں ہوتا

کئی کے ہاتھ جلانے میں بھی جلے ہوں گے

ہر ایک آگ بجھا کر جلا نہیں ہوتا

فقیر پیر ولی سادھو سنت سا انسان

عظیم ہوتا ہے لیکن خدا نہیں ہوتا

kabhi tumhara mira samna nahin hota

wagarna shahr mein har roz kya nahin hota

badan se ruh ka tanka udhar raha hai magar

wo ek shakhs hi mujh se juda nahin hota

tamam log taraste hain raushni ke liye

magar nasib mein sab ke diya nahin hota

kai ke hath jalane mein bhi jale honge

har ek ag bujha kar jala nahin hota

faqir pir wali sadho sant sa insan

azim hota hai lekin khuda nahin hota