سنیں گے لوگ اسے اپنی داستاں کی طرح

سنیں گے لوگ اسے اپنی داستاں کی طرح

فریب دیتا ہوں دنیا کو انکساری کا

میں اپنے آپ میں پھیلا ہوں آسماں کی طرح

قدم قدم پہ ضیا باریاں معاذ اللہ

یہ رہ گزر ہے کہ پھیلی ہے کہکشاں کی طرح

یہ گل تو گل ہیں چمن کو نہ بیچ دیں ظالم

جو روپ اپنا بنائے ہیں باغباں کی طرح

ضرور سازش کلک ازل تھی کچھ اس میں

پڑا ہوں ایک طرف حرف رایگاں کی طرح

کہاں تھا میرا نشیمن میں سب سے پوچھ آیا

کسی کا گھر نہ جلے میرے آشیاں کی طرح

ٹٹول لینا ذرا ان کی آستینیں بھی

جو تم سے ہاتھ ملاتے ہیں رازداں کی طرح

وہ جن کا راز محبت تھا بے نیاز ہوئے

ہم ان کا راز چھپائے ہیں اپنی جاں کی طرح

کوئی تو جان پہ کھیلے ہے بن کے پروانہ

جلا کرے ہے کوئی شمع بے زباں کی طرح

ملے تو قافلے سو سو شکستہ پا تھے ہمیں

اٹھ اٹھ کے بیٹھ گئے گرد کارواں کی طرح

sunenge log use apni dastan ki tarah

fareb deta hun duniya ko inkisari ka

main apne ap mein phaila hun asman ki tarah

qadam qadam pe ziya bariyan maaz allah

ye rah guzar hai ke phaili hai kahkashan ki tarah

ye gul to gul hain chaman ko na bech den zalim

jo rup apna banae hain baghban ki tarah

zarur sazish kilk-e-azal thi kuchh is mein

para hun ek taraf harf raegan ki tarah

kahan tha mera nasheman mein sab se puchh aya

kisi ka ghar na jale mere ashiyan ki tarah

tatol lena zara un ki astinen bhi

jo tum se hath milate hain razdan ki tarah

wo jin ka raz-e-mohabbat tha be niyaz hue

ham un ka raz chhupae hain apni jan ki tarah

koi to jan pe khele hai ban ke parwana

jala kare hai koi shama be zaban ki tarah

mile to qafile sau sau shikasta pa the hamen

uth uth ke baith gae gard-e-karwan ki tarah