جس کا کوئی نہ ہو خدا ہوگا

جس کا کوئی نہ ہو خدا ہوگا

جس کا وہ بھی نہ ہو تو کیا ہوگا

حاصل مرگ اور کیا ہوگا

اک نئے غم کا سلسلہ ہوگا

آپ منہ پھیر کے ہوئے رخصت

یہ نہ سوچا کہ میرا کیا ہوگا

جس نے دی ہے تمہیں دعائے عشق

کوئی مجھ سا ہی دل‌ جلا ہوگا

لاکھ سوچوں نہ کہہ سکوں گا کچھ

جب کبھی ان کا سامنا ہوگا

میں نے کیا کیا کہا ہے قاصد سے

جانے قاصد نے کیا کہا ہوگا

jis ka koi na ho khuda hoga

jis ka wo bhi na ho to kya hoga

hasil-e-marg aur kya hoga

ik nae gham ka silsila hoga

ap munh pher ke hue rukhsat

ye na socha ke mera kya hoga

jis ne di hai tumhen dua-e-ishq

koi mujh sa hi dil jala hoga

lakh sochun na kah sakunga kuchh

jab kabhi un ka samna hoga

main ne kya kya kaha hai qasid se

jane qasid ne kya kaha hoga