ہونے کو تو خلقت میں تری ہوں گے جہاں اور

ہونے کو تو خلقت میں تری ہوں گے جہاں اور

پر تیرا یہ در چھوڑ کے جاؤں میں کہاں اور

یہ دیر سے بد ظن وہ گریزاں ہے حرم سے

جیسے کہ حقیقت ہو یہاں اور وہاں اور

رہ جائے نہ پھر شکوۂ بیداد کا امکاں

سینہ جو ہوا چاک تو کٹ جائے زیاں اور

ہم کون ہیں کیا ہیں یہ نہیں جانتے خود بھی

ہم سا بھی کوئی ہوگا بھلا ہیچ مداں اور

تقلید طبیعت کو گوارا نہیں اے نورؔ

چلتا ہوں بناتا ہوا خود اپنے نشاں اور

hone ko to khilqat mein tiri honge jahan aur

par tera ye dar chhor ke jaun main kahan aur

ye der se bad zan wo gurezan hai haram se

jaise ke haqiqat ho yahan aur wahan aur

rah jae na phir shikwa-e-bedad ka imkan

sina jo hua chak to kat jae ziyan aur

ham kaun hain kya hain ye nahin jante khud bhi

ham sa bhi koi hoga bhala hech madan aur

taqlid tabiat ko gawara nahin ai nur

chalta hun banata hua khud apne nishan aur