میں تم سے چھوٹ رہا ہوں مرے پیارو

میں تم سے چھوٹ رہا ہوں مرے پیارو

مگر مرا رشتہ پختہ ہو رہا ہے اس زمیں سے

جس کی گود میں سمانے کے لئے

میں نے پوری زندگی ریہرسل کی ہے

کبھی کچھ کھو کر کبھی کچھ پا کر

کبھی ہنس کر کبھی رو کر

پہلے دن سے مجھے اپنی منزل کا پتہ تھا

اسی لئے میں کبھی زور سے نہیں چلا

اور جنہیں زور سے چلتے دیکھا

ترس کھایا ان کی حالت پر

اس لئے کہ وہ جانتے ہی نہ تھے

کہ وہ کیا کر رہے ہیں

main tum se chhut raha hun mire pyaro

magar mira rishta pukhta ho raha hai is zamin se

jis ki god mein samane ke liye

main ne puri zindagi riharsal ki hai

kabhi kuchh kho kar kabhi kuchh pa kar

kabhi hans kar kabhi ro kar

pahle din se mujhe apni manzil ka pata tha

isi liye main kabhi zor se nahin chala

aur jinhen zor se chalte dekha

taras khaya un ki halat par

is liye ke wo jante hi na the

ke wo kya kar rahe hain