میں نے مدت سے کوئی خواب نہیں دیکھا ہے

میں نے مدت سے کوئی خواب نہیں دیکھا ہے

رات کھلنے کا گلابوں سے مہک آنے کا

اوس کی بوندوں میں سورج کے سما جانے کا

چاند سی مٹی کے ذروں سے صدا آنے کا

شہر سے دور کسی گاؤں میں رہ جانے کا

کھیت کھلیانوں میں باغوں میں کہیں گانے کا

صبح گھر چھوڑنے کا دیر سے گھر آنے کا

بہتے جھرنوں کی کھنکتی ہوئی آوازوں کا

چہچہاتی ہوئی چڑیوں سے لدی شاخوں کا

نرگسی آنکھوں میں ہنستی ہوئی نادانی کا

مسکراتے ہوئے چہرے کی غزل خوانی کا

تیرا ہو جانے ترے پیار میں کھو جانے کا

تیرا کہلانے کا تیرا ہی نظر آنے کا

میں نے مدت سے کوئی خواب نہیں دیکھا ہے

ہاتھ رکھ دے مری آنکھوں پہ کہ نیند آ جائے

main ne muddat se koi khwab nahin dekha hai

rat khulne ka gulabon se mahak ane ka

os ki bundon mein suraj ke sama jane ka

chand si mitti ke zarron se sada ane ka

shahr se dur kisi gaon mein rah jane ka

khet khalyanon mein baghon mein kahin gane ka

subh ghar chhorne ka der se ghar ane ka

bahte jharnon ki khanakti hui awazon ka

chahchahati hui chiriyon se ladi shakhon ka

nargisi ankhon mein hansti hui nadani ka

muskurate hue chehre ki ghazal khwani ka

tera ho jane tire pyar mein kho jane ka

tera kahlane ka tera hi nazar ane ka

main ne muddat se koi khwab nahin dekha hai

hath rakh de miri ankhon pe ke nind a jae