میں نے سوچا ہی نہیں مر کے کدھر جاؤں گا

میں نے سوچا ہی نہیں مر کے کدھر جاؤں گا

میں تو مانند صبا یاں سے گزر جاؤں گا

سیر گلشن کا یہ انجام کہاں سوچا تھا

لے کے اس بزم سے اک زخم جگر جاؤں گا

جب سے مانوس ترے غم سے ہوا ہوں اے دوست

ایسا لگتا ہے کہ ہر غم سے گزر جاؤں گا

حسن کی آنچ نہ دو عشق زدہ دل کو مرے

نقش پوشیدہ کی مانند ابھر جاؤں گا

یہ نہ بھولیں مری ہستی کو مٹانے والے

میری فطرت ہے سنورنا میں سنور جاؤں گا

main ne socha hi nahin mar ke kidhar jaunga

main to manind-e-saba yan se guzar jaunga

sair-e-gulshan ka ye anjam kahan socha tha

le ke is bazm se ik zakhm-e-jigar jaunga

jab se manus tire gham se hua hun ai dost

aisa lagta hai ke har gham se guzar jaunga

husn ki anch na do ishq zada dil ko mire

naqsh poshida ki manind ubhar jaunga

ye na bhulen miri hasti ko mitane wale

meri fitrat hai sanwarna mein sanwar jaunga