کھردرے جسم کے نشیب و فراز

کھردرے جسم کے نشیب و فراز

جاننے کی ہوس میں جس کی زباں

اور سب ذائقے بھلا بیٹھی

وہ نہتا اکیلا رات کے وقت

ایک دل دوز چیخ کے ہم راہ

جنگلوں کی طرف گیا تھا کبھی

اور پھر لوٹ کر نہیں آیا

اب وہ شاید کبھی نہ آئے گا

اس کے سائے کی دونوں آنکھیں مگر

موت سے اس کی بے خبر ہیں ابھی

اس کی آمد کی منتظر ہیں ابھی

khurdare jism ke nasheb-o-faraz

janne ki hawas mein jis ki zaban

aur sab zaiqe bhala baithi

wo nahta akela rat ke waqt

ek dil doz chikh ke ham rah

jangalon ki taraf gaya tha kabhi

aur phir laut kar nahin aya

ab wo shayad kabhi na aega

us ke sae ki donon ankhen magar

maut se us ki be khabar hain abhi

us ki amad ki muntazir hain abhi