یہاں کیا ہے برہنہ تیرگی ہے

یہاں کیا ہے برہنہ تیرگی ہے

خلا ہے آہٹیں ہیں تشنگی ہے

یہاں جس کے لیے آئے تھے وہ شے

کسی قیمت پہ بھی ملتی نہیں ہے

جو اپنے ساتھ ہم لائے تھے وہ بھی

یہیں کھو جائے گا گر کی نہ جلدی

چلو جلدی چلو اپنے مکاں کے

کواڑوں کی جبیں پر ثبت ہوگی

کوئی دستک ابھی بیتے دنوں کی

yahan kya hai barahna tirgi hai

khala hai ahaten hain tishnagi hai

yahan jis ke liye ae the wo shai

kisi qimat pe bhi milti nahin hai

jo apne sath ham lae the wo bhi

yahin kho jaega gar ki na jaldi

chalo jaldi chalo apne makan ke

kiwaron ki jabin par sabt hogi

koi dastak abhi bite dinon ki