ہوا کے پاؤں اس زینے تلک آئے تھے لگتا ہے

ہوا کے پاؤں اس زینے تلک آئے تھے لگتا ہے

دیئے کی لو پہ یہ بوسہ اسی کا ہے

مری گردن سے سینے تک

خراشوں کی لکیروں کا یہ گلدستہ

طلسمی قفل کھلنے کی اسی ساعت کی خاطر

ہجر کے موسم گزارے ہیں

ہوا نے مدتوں میں پاؤں پانی میں اتارے ہیں

مری پسلی سے پیدا ہو

وہی گندم کی بو لے کر

زمیں اور آسماں کی وسعتیں

مجھ میں سمٹ آئیں

الوہی لذت نایاب سے سرشار کر مجھ کو

میں اک پیاسا سمندر ہوں

تو اپنی جسم کی کشتی میں آ

اور پار کر مجھ کو

hawa ke paon is zine talak ae the lagta hai

diye ki lau pe ye bosa usi ka hai

miri gardan se sine tak

kharashon ki lakiron ka ye guldasta

tilismi qufl khulne ki isi saat ki khatir

hijr ke mausam guzare hain

hawa ne muddaton mein paon pani mein utare hain

miri pasli se paida ho

wahi gandum ki bu le kar

zamin aur asman ki wusaten

mujh mein simat aen

uluhi lazzat-e-nayab se sarshar kar mujh ko

main ik pyasa samundar hun

tu apni jism ki kashti mein a

aur par kar mujh ko