Arooz is now on the App Store, for iPhone and iPad. Download →

All poetry

رات کا یہ سمندر تمہارے لیے

Shahryar (1936–2012)

رات کا یہ سمندر تمہارے لیے

تم سمندر کی خاطر بنے ہو

دلوں میں کبھی خشکیوں کی سحر کا تصور نہ آئے

اسی واسطے تم کو بے بادباں کشتیاں دی گئی ہیں

سفر رات کے اس سمندر کی گہرائیوں کا سفر بیکراں ہے

اکیلے ہو تم اور اکیلے رہوگے

مگر آسماں کی جگہ آسماں اور زمیں کی جگہ یہ زمیں

تم سے قائم ہے

دائم ہے یہ رات

اور رات کے تم امیں ہو

اگر آنکھ میں نور کا کوئی منظر ہے

اس کی حفاظت کرو