وہ اندھیری رات کی چاپ تھی

وہ اندھیری رات کی چاپ تھی

جو گزر گئی

کبھی کھڑکیوں پہ نہ جھک سکی

کسی راستے میں نہ رک سکی

اسے جانے کس کی تلاش تھی

مری آنکھ اوس سے تر رہی ہے

مجھے خواب بننے کی لت رہی

کبھی ایک سونی سی رہ گزر پہ کھڑا تھا میں

کبھی دور ریل کی پٹریوں پہ پڑا تھا میں

وہ کسی کے جسم کی چاپ تھی

جو گزر گئی

اسے جانے کس کی تلاش تھی

مرے دل کے دشت کی ریت ہی میں کھلی تھی وہ

مجھے اک گلی میں ملی تھی وہ

اسے مجھ سے شوق وصال تھا

مرے خواب مجھ سے خفا ہوئے

مجھے نیند آئی میں سو گیا

یہی رتجگوں کا زوال تھا

wo andheri rat ki chap thi

jo guzar gai

kabhi khirkiyon pe na jhuk saki

kisi raste mein na ruk saki

use jane kis ki talash thi

miri ankh os se tar rahi hai

mujhe khwab banne ki lat rahi

kabhi ek suni si rah guzar pe khara tha main

kabhi dur rel ki patriyon pe para tha main

wo kisi ke jism ki chap thi

jo guzar gai

use jane kis ki talash thi

mire dil ke dasht ki ret hi mein khuli thi wo

mujhe ik gali mein mili thi wo

use mujh se shauq-e-wisal tha

mire khwab mujh se khafa hue

mujhe nind ai mein so gaya

yahi ratjagon ka zawal tha