میں کورے کاغذ پر لکھوں پھر ایک کالی نظم

میں کورے کاغذ پر لکھوں پھر ایک کالی نظم

الکھ جگاتے سناٹوں سے پھر سے سجاؤں بزم

گدر امرودوں کی خوشبو پاگل کر جائے

میری ان خالی آنکھوں کو جل تھل کر جائے

دور درندوں کی آوازیں خود سے لڑتی ہوں

میرے اس کے بیچ میں لمبی راتیں پڑتی ہوں

شکنوں سے عاری اک بستر مجھ کو تکتا ہو

جسم مرا جب آدھا سوتا آدھا جگتا ہو

تب میں کروں یہ عزم

کہ لکھوں کوئی کالی نظم

main kore kaghaz par likhun phir ek kali nazm

alakh jagate sannaton se phir se sajaun bazm

gadar amrudon ki khushbu pagal kar jae

meri un khali ankhon ko jal thal kar jae

dur darindon ki awazen khud se larti hun

mere us ke bich mein lambi raten parti hun

shiknon se ari ik bistar mujh ko takta ho

jism mira jab adha sota adha jagta ho

tab main karun ye azm

ke likhun koi kali nazm