پھر تری تتلی نما صورت مجھے یاد آ گئی

پھر تری تتلی نما صورت مجھے یاد آ گئی

مجھ کو وہ لمحہ ابھی بھولا نہیں

ایک کونے میں کئی لوگوں کے ساتھ

گفتگو میں منہمک کھویا ہوا

میری آنکھوں نے کبھی تجھ سا کوئی دیکھا نہ تھا

میں تجھے تکنے لگا

دیر تک تکتا رہا

آنکھ سے کانوں سے ہونٹوں سے تجھے تکتا رہا

کیا عجب دیوانگی تھی

رشک آیا بخت پہ اپنے مجھے

لفظ کے اسرار مجھ پہ وا ہوئے

گھنٹیاں سی میرے کانوں میں بجیں

نور کے سیلاب میں ڈوبی ہوئی اس شام کی

ایک اک ساعت ترے ہمراہ ہے

رک گیا ہے وقت اس اک موڑ پر

میں جدائی کے لئے مجبور تھا

تو جدائی پر جہاں مسرور تھا

phir tiri titli numa surat mujhe yad a gai

mujh ko wo lamha abhi bhula nahin

ek kone mein kai logon ke sath

guftugu mein munhamik khoya hua

meri ankhon ne kabhi tujh sa koi dekha na tha

main tujhe takne laga

der tak takta raha

ankh se kanon se honton se tujhe takta raha

kya ajab diwangi thi

rashk aya bakht pe apne mujhe

lafz ke asrar mujh pe wa hue

ghantiyan si mere kanon mein bajen

nur ke sailab mein dubi hui us sham ki

ek ik saat tire hamrah hai

ruk gaya hai waqt is ik mor par

main judai ke liye majbur tha

tu judai par jahan masrur tha