میں اپنے گھاؤ گن رہا ہوں

میں اپنے گھاؤ گن رہا ہوں

دور تتلیوں کے ریشمی پروں کے نیلے پیلے رنگ

اڑ رہے ہیں ہر طرف

فرشتے آسمان سے اتر رہے ہیں صف بہ صف

میں اپنے گھاؤ گن رہا ہوں

آنسوؤں کی اوس میں نہا کے بھولے بسرے خواب آ گئے

خون کا دباؤ اور کم ہوا

نحیف جسم پر کسی کے ناخنوں کے آڑے ترچھے نقش

جگمگا اٹھے

لبوں پہ لکنتوں کی برف جم گئی

طویل ہچکیوں کا ایک سلسلہ

فضا میں ہے

لہو کی بو ہوا میں ہے

main apne ghao gin raha hun

dur titliyon ke reshmi paron ke nile pile rang

ur rahe hain har taraf

farishte asman se utar rahe hain saf ba saf

main apne ghao gin raha hun

ansuon ki os mein naha ke bhule basre khwab a gae

khun ka dabao aur kam hua

nahif jism par kisi ke nakhunon ke are tirchhe naqsh

jagmaga uthe

labon pe luknaton ki barf jam gai

tawil hichkiyon ka ek silsila

faza mein hai

lahu ki bu hawa mein hai