ریت مٹھی میں کبھی ٹھہری ہے

ریت مٹھی میں کبھی ٹھہری ہے

پیاس سے اس کو علاقہ کیا ہے

عمر کا کتنا بڑا حصہ گنوا بیٹھا میں

جانتے بوجھتے کردار ڈرامے کا بنا

اور اس رول کو سب کہتے ہیں

ہوشیاری سے نبھایا میں نے

ہنسنے کے جتنے مقام آئے ہنسا

بس مجھے رونے کی ساعت پہ خجل ہونا پڑا

جانے کیوں رونے کے ہر لمحے کو

ٹال دیتا ہوں کسی اگلی گھڑی پر

دل میں خوف و نفرت کو سجا لیتا ہوں

مجھ کو یہ دنیا بھلی لگتی ہے

بھیڑ میں اجنبی لگنے میں مزا آتا ہے

آشنا چہروں کے بدلے ہوئے تیور مجھ کو

حال سے ماضی میں لے جاتے ہیں

کہنیاں زخمی ہیں اور گھٹنوں پر

کچھ خراشوں کے نشاں

سوندھی مٹی کی مہک کھینچے لیے جاتی ہے

تتلیاں پھول ہوا چاندنی کنکر پتھر

سب مرے ساتھ میں ہیں

سانس بے خوفی سے لیتا ہوں میں

ret mutthi mein kabhi thahri hai

pyas se us ko ilaqa kya hai

umr ka kitna bara hissa ganwa baitha main

jante bujhte kirdar darame ka bana

aur is rol ko sab kahte hain

hoshyari se nibhaya main ne

hansne ke jitne maqam ae hansa

bas mujhe rone ki saat pe khajil hona para

jane kyun rone ke har lamhe ko

tal deta hun kisi agli ghari par

dil mein khauf-o-nafrat ko saja leta hun

mujh ko ye duniya bhali lagti hai

bhir mein ajnabi lagne mein maza ata hai

ashna chehron ke badle hue tewar mujh ko

hal se mazi mein le jate hain

kahniyan zakhmi hain aur ghutnon par

kuchh kharashon ke nishan

sondhi mitti ki mahak khinche liye jati hai

titliyan phul hua chandni kankar patthar

sab mire sath mein hain

sans be khaufi se leta hun main