درماندگیٔ آہ شب گیر کو کیا کہئے

درماندگیٔ آہ شب گیر کو کیا کہئے

اک نالۂ بے کس کی تاثیر کو کیا کہئے

محرومیٔ قسمت کی کیجے تو شکایت کیا

تقدیر تو دشمن ہے تقدیر کو کیا کہئے

جس بزم میں الفت کو تقصیر کہا جائے

اس بزم کو کیا کہئے تقصیر کو کیا کہئے

جو تیر کہ بن جائے اک جزو دل بسمل

پیوست رگ جاں ہو اس تیر کو کیا کہئے

جو حسن مکمل تھا اس ذہن مصور میں

تصویر میں اترا ہے تصویر کو کیا کہئے

ہر سانس پہ ٹوٹے ہے اک ایک کڑی پھر بھی

ہستی ہے کہ جکڑی ہے زنجیر کو کیا کہئے

darmandagi-e-ah-e-shab gir ko kya kahiye

ik nala-e-be kis ki tasir ko kya kahiye

mahrumi-e-qismat ki kije to shikayat kya

taqdir to dushman hai taqdir ko kya kahiye

jis bazm mein ulfat ko taqsir kaha jae

is bazm ko kya kahiye taqsir ko kya kahiye

jo tir ke ban jae ik juzw-e-dil-e-bismil

paiwast-e-rag-e-jan ho is tir ko kya kahiye

jo husn mukammal tha is zehn musawwir mein

taswir mein utra hai taswir ko kya kahiye

har sans pe tute hai ik ek kari phir bhi

hasti hai ke jakri hai zanjir ko kya kahiye