دروازۂ جاں سے ہو کر

دروازۂ جاں سے ہو کر

چپکے سے ادھر آ جاؤ

اس برف بھری بوری کو

پیچھے کی طرف سرکاؤ

ہر گھاؤ پہ بوسے چھڑکو

ہر زخم کو تم سہلاؤ

میں تاروں کی اس شب کو

تقسیم کروں یوں سب کو

جاگیر ہو جیسے میری

یہ عرض نہ تم ٹھکراؤ

چپکے سے ادھر آ جاؤ

darwaza-e-jan se ho kar

chupke se idhar a jao

is barf bhari bori ko

pichhe ki taraf sarkao

har ghao pe bose chhirko

har zakhm ko tum sehlao

main taron ki is shab ko

taqsim karun yun sab ko

jagir ho jaise meri

ye arz na tum thukrao

chupke se idhar a jao